Bratislava, here I come!!!

House to NAIA

Flight ko is 6pm pero 1:30 pa lang, umalis na kami ng bahay nina kyle, lawrence at aga. Dapat maaga kasi di pa ako marunong sa airport e...1st time umalis ng bansa e. Medyo nawala pa nga kami papunta airport pero di ako kinabahan...may tiwala ako kay kyle. hehehe. Pagdating sa airport, piture picture na. Konteng iyakan, di pala iyak, hagulgol e umalis na sila. Bawal kasi magtagal dun e. After check-in nag canteen muna kami ni Marbi. Tapos pumasok na kami. Wala naman masyado problema maliban sa 200 pesos na meryenda namin. Ayan na, boarding na ang Singapore Airlines..bye Manila.

Manila to Singapore

3 hours ang flight. Pero di ako na bore kasi wow ang ganda ng stewardess namin. Matangkad at maganda pero di ko maintindihan ang sinasabi nya. Di ko makuha ang accent nya e. Sakit sa leeg ng upuan dun pero astig kasi may movie na pwede panoodin. Pinanood ko Million Dollar Baby. Masarap din yung pagkain nila. Bad trip di ko natapos yung movie, dami kasi announcement ng piloto e. Sinungitan pa ako ng magandang stewardess. Kinuha kaagad yung earphones ko di pa ako tapos manood.

Singapore Changi airport

Airport na ito o mall? Ang ganda!!!! May mini garden sila dun, puro orchids at isda. Papicture kami dun. Habang naglalakad-lakad kami sa airport, nagpipigil kami dahil sa sobra dami ng pwedeng bilhin. May mega sale nga sila e. Yung I-pod mini nila sale sa June24, kulay silver 50% off. Sayang talaga at di kami aabot huhuhu.

Singapore to Frankfurt

Ito ang pinakamatagal na flight namin...13 hours!!!! Mahirap pa, window seat kami kaya pag naiihi ka habang tulog ang katabi mo, talagang mahihiya ka o gigisingin mo sya. E malas at di marunong mag ingles katabi ko. Akala ko mag sasign language lang. Buti na lang isang tapik ko lang sa kanya alam na nya gagawin nya..hehehe. Kakatamad talaga...nakatulog na ako ng matagal, 2 movie, 2 episode ng CSI, nakalaro pa nga ako ng Mario e. Di ko na maramdaman yung mga paa at pwet ko.

Frankfurt

Laki ng airport nila. Astig Bumaba kami sa terminal 2, buti na lang at terminal 2 din yung next gate namin. Hinanap kaagad namin ang gate namin kasi baka mawala kami at maiwan. Habang naglalakad kami doon ko lang na feel ko na wala na talaga ako sa pinas. Nung nasa singapore ako parang pinas lang e...madaming asian. E sa frankfurt parang kami na lang ang asian e. Feel ko na ang nararamdaman ng mga banyaga sa pinas. Nakakailang. Kumpara sa airport sa Singapore, di ako nagandahan sa Frankfurt airport. Malaki sya, sobra. May MRT sila para makapunta ka sa ibang terminal tapos pag sasakay ka ng eroplano sasakay ka muna ng bus. Ang hangin nila malamig..parang baguio.

Frankfurt to Prague

1 hour lang ang flight. Kakameryenda lang namin landing na. Natulog lang ako dito kaya walang kwento.

Prague

3 hours pa iintayin namin para sa next flight. 3 oras din kaming nakaupo sa waiting area. Kakaiba dito. Talagang kaming 2 lang ang kayumanggi. Walang lalakran kaya tulog din ako. Malas pa at matagal na nga intay namin, na delay pa yung flight. Hay buhay.

Prague to Bratislava

Ito ang pinaka exciting na airplane ride namin. Di ka lang nakasakay ng airplane, parang nakasakay ka na din ng roller coaster. Maliit lang yung plane...propeller nga lang sya e. Kaya di sobra higpit ng kapit ko sa arm rest.

Bratislava

Sa wakas, nandito na kami. Akala ko makakapahinga na kami pero nagkaproblema kami sa passport. Halos 20 min nilang tiningnan yung passport namin. Kinakabahan na nga ako e. Di nila sinabi kung ano problema. Nung tapos na nilang tingnan saka namin nalaman na nawawala luggage namin...putik naman!!!! Papadala na lang daw nila sa hotel namin. Galing sa airport, hinatid kami ni Martin papunta sa Hotel.

Dun nagtatapos ang aming adventure. 1st time out of the country. 4 airport, 13 hours na lumilipad, more than 24 hours travel. Marami pang nangyari after pero bukas ko na lang kukwento. May trabaho na e.